TPLF cannot be reformed. Like apartheid, it should be dismantled! - ETHIOMEDIA

የወንጂ ልጆች ወያኔ ያወደመውን የስኳር ፋብሪካ እንደገና ሊገነቡ ነው (አክሲዮን መስርተዋል)

ዝሆናችን ከነክብሩ ይመለስ! በዳዋ ለተዋጠው መለዮ ፋብሪካችን ትንሳኤ እንረባረብ!!

Image may contain: 12 people, people smiling, people standing

የኢትዮ ስኳር ማኑፋክቸሪንግ ኢንደስትሪያል አ.ማ. በሌት ተቀን ደፋ ቀና ላይ ይገኛል፡፡ ከአፈር ወድቃ በተነሳችው ባንዲራችን ብለው በዘመነ የፋሺስት ኢጣሊያ ወረራ ማግስት አባት እናቶቻችን ይምሉ እንደነበረው እኛም ዛሬ ከአቧራ የተተወ የዝሆን አርማችንን አብረን እናንሳው – ወገን ኑ ትንሳኤውን እናቃርበው በማለት አክሲዮን ማህበሩ ጥሪ ያደርጋል!!!

ቁጭቱ ዛሬም ሁላችንን ያንገበግበናል – ብዙዎች አባት እናቶቻችን – እህት ወንድሞቻችን እስከ ሕይወት ዋጋ ከፍለውበታል፡፡ በሀገረ ኢትዮጵያ ለኢንዱስትሪ ባህል መፈጠር ፈር ቀዳጅ የሆነ ያን ታላቅ ፋብሪካ በዝምታ እንዲዋጥ ያደረጉት የእጃቸውን ያገኟታል – የጊዜ ጉዳይ ብቻ ነው፡፡ በተቆርቋሪ ኢትዮጵያውያን ፣ በደል ባንገበገባቸው ልጆቿ እና ሀገር ለማቅናት የፍዳ ሕይወት ዛሬም ለመግፋት በተገደዱ የአካባቢው ተወላጆችና ነዋሪዎች ሌት ተቀን ደፋ ቀና የወንጂ ትንሳኤ ዳግም እውን ይሆናል – ለዚያውም በቅርብ!! ትንሳኤውን አብረን እናፈጥነዋለን!!

No automatic alt text available.

ድርጅታችን የተቋቋመው በወንጂ ሸዋ እና የአካባቢው ተወላጆች እና አርሶ አደሮች እንዲሁም ከተለያዩ የሀገሪቱ ክፍሎች በፋብሪካው ለመስራት በመጡ የማህበረሰብ ክፍሎች ነው፡፡

የድርጅቱ ልዩ ትኩረትም የወጣቱን የስራ አጥነት ችግር በመቅረፍ እና ዘላቂነት ያለው ኢኮኖሚያዊ ተጠቃሚነትን ማረጋገጥ እና በተለይም በአካባቢው ልማትን በላቀ ደረጃ በማስፋፋት ሁሉንም ማህበረሰብ ያካተተ ኢኮኖሚያዊ ፋይዳ ማምጣት ላይ ያተኮረ ነው፡፡

ኢትዮ ስኳር ማኑፋክቸሪንግ ኢንደስትሪያል አክሲዮን ሰፊ ማህበረሰብ አቀፍ በሆነ መልኩ 100 ሺህ አርሶ አደሮች ፣ 30 ሺህ የፋብሪካና የመንግስት ሰራተኞች ፣ በሺዎች የሚቆጠሩ ነጋዴዎች ፣ በሀገር ውስጥና በውጭ ሀገራትም ጭምር በከፍተኛ ኃላፊነት ላይ ያሉ የአካባቢው ተወላጆችን አካቶ እስከ 150 ሺህ የሚደርሱ ባለቤቶችን በማቀፍ ታላቅ ራዕይ ይዞ ተነስቷል፡፡

Image result for wonji sugar factory

አደራጆቹ በአካባቢው ማህበራዊ ኃላፊነታቸውን ሲወጡ የቆዩ የአካባቢው ተወላጆች ሲሆኑ የአካባቢውን ማህበረ ኢኮኖሚያዊ መሰረት በማንሰራራት በዙሪያ ገባው ነግሶ የቆየው ድህነትና ማህበራዊ ጫና እንዲያከትም የበኩላቸውን ሀገራዊ ድርሻ ለመወጣት የሚታትሩ ናቸው፡፡

በኢትዮጵያ የኢንዱስትሪ ባህል ፈር ቀዳጅ የሆነች ወንጂ ዳግም ወደተነቃቃ የፋብሪካ ሕይወቷ የመመለሷ እጣ ፈንታ በልጆቿ እውን ሊሆን የመጨረሻ ምጥ ተጀምሯል፡፡

ወንጂ ስኳር በዙሪያው አየር ላይ ድምጹ በ1946 ዓ.ም. የናኘው በ7ሺህ ሄክታር ማሳ እና በ2 ፋብሪካዎች ነው፡፡ 10 ሺህ ቋሚ እና ጊዜያዊ ሰራተኞችን ይዞ ነው ወደስራ የገባው፡፡

መልክአ ምድሩ ሸለቆ እና ጨፌ ሆኖ የአካባቢው ህብረተሰብ በወባ፣ ፍሎራይድ እና ቢሊሀርዚያ በእጅጉ ይጠቃ የነበረበትን አካባቢያዊ እና ማህበራዊ ጫናውን በመቋቋም ነበር ለሀገር ፈር ቀዳጅ የኢንዱስትሪ ማዕከል ሆኖ የቆየው፡፡

(Visited 579 times, 1 visits today)

You might be interested in